വർണ്ണ മയൂരം
www.midhu12.blogospot.com
അന്നൊരു ഞായറാഴ്ച ആയിരുന്നു. അതുകൊണ്ടുതന്നെ ഉറക്കമുണർന്നത് ഒരൽപം വൈകിയാണ്. പല്ലുതേച്ചുകൊണ്ട് പുറത്തിറങ്ങിയപ്പോൾ വീടിനുമുന്നിൽ റോഡിൽ ചെറിയൊരു ആൾക്കൂട്ടം.
ചെറുതായൊന്ന് പേടിച്ചപോയി. എന്തെന്നാൽ, ഇടയ്ക്കിടെ റോഡപകടം നടക്കുന്ന സ്ഥലമാണ് പോരാതെ ചെങ്കൽ-കരിങ്കൽ ലോറികളുടെ അമിതവഗവും.
പിന്നെ നോക്കിയപ്പോൾ എല്ലാവരുടെയും മുഖത്ത് നേർത്ത പുഞ്ചിരികണ്ടു. കൂടാതെ എല്ലാവരും മൊബൈൽ ഫോണിൽ ഫോട്ടോ എടുക്കുന്നു.
ഞാനും അങ്ങോട്ട് പോയിനോക്കി. നോക്കുമ്പോൾ രണ്ട് മയിൽ ജോഡിയായി വന്ന് ആൾക്കാർക്കുമുന്നിലൂടെ സ്വാതന്ദ്ര്യബോധത്തോടെ നടക്കുന്നു.
എനിക്ക് അതിശയം തോന്നി മനുഷ്യർക്ക് മുന്നിലൂടെ ഇത്ര അടുത്തുവരെ മയിൽ വന്നിരിക്കുന്നു. പിന്നെ രണ്ടാമതൊന്ന് ആലോചിക്കേണ്ടിവന്നില്ല ഞാനും എടുത്തു രണ്ടുമൂന്ന് മൊബൈൽ ക്ലിക്ക്.
വീട്ടിൽ വന്ന് കാര്യം പറയാൻ ഒരുങ്ങുമ്പോഴേക്കും അവർ രണ്ടുപേരും സ്ഥലം വിട്ടിരുന്നു. അന്ന് അത് വലിയകാര്യം ആക്കാതെ വീട്ടിലേക്ക് നടന്നു.
പിന്നെ ഒന്ന് ടൗണിൽപോയി അത്യാവശ്യകാര്യങ്ങൾ ഒക്കെ കഴിഞ്ഞ വൈകുന്നേരം പറമ്പിലേക്ക് ഇറങ്ങിയപ്പോഴാണ് തൊടിയിലെ തെങ്ങിന് മുകളിൽ രണ്ടുപേരും വിസ്തരിച്ച് ഇരിക്കുന്നു.
ഞാൻ മനസുകൊണ്ട് എയ്ത ക്ഷണക്കത്ത് സ്വീകരിച്ചിട്ടാണോ എന്ന് അറിയില്ല രണ്ടുപരുടെയും അടുത്ത ലക്ഷ്യസ്ഥാനം എൻ്റെ വീട്ടുമുറ്റമായിരുന്നു. പാറിപറന്ന് ഇരിക്കുകയും മുറ്റത്ത് ബക്കറ്റിൽ വച്ചിരുന്ന വെള്ളം കുടിക്കുകയും ചെയ്തു.
വീട്ടിലുണ്ടായിരുന്ന മുന്ദിരി അവർക്ക് കൊടുത്തു. പിന്നെ പതിയെ അവരുടെ അടുത്തേക്ക് നടന്നു. യാതൊരു വിധ മടിയും കൂടാതെ എൻ്റെ ഫോട്ടോക്ക് പോസ് ചെയ്യാനെന്ന പോലെ എൻ്റെ അടുത്ത് അവർ വന്നുചേർന്നു. പിന്നീടുള്ള ദിവസങ്ങളിൽ വീട്ടിലെ സ്ഥിരം അതിഥിയായി മാറി ഇവർ.
ആൺ മയിലും പെൺ മയിലും ഉണ്ടങ്കിലും എല്ലാവരെയും പോലെ ഞാനും ആകർഷിതനായത് ആൺമയിലിന്റെ ഭംഗിയിലാണ്.
അവന്റെ ആ പീലിനീട്ടിയുള്ള നടപ്പും തലയിൽ അലങ്കാരമായി കൊണ്ടുനടക്കുന്ന പീലിക്കിരീടവും ഏവരെയും മോഹിപ്പൊക്കുന്നതാണ്.
രണ്ടുപേരും പൊതുവെ ഒരുമിച്ച് മാത്രമേ നടക്കാറുള്ളൂ.
മയിലുകൾ അവരുടെ വായ പരമാവധി തുറന്നിട്ടുമാത്രമേ കറയാറുള്ളൂ. പൂച്ചയുടേത് പോലെ ,എന്നാൽ അതിനേക്കാൾ കാഠിന്ന്യം കൂടിയ ശബ്ദമാണ് മെയിലിന്. എന്നും ഒന്നിച്ചാണെങ്കിലും ചിലപ്പോഴൊക്കെ ആൺമയിൽ ഒരൽപം മാറി തണലിൽ വിശ്ശ്രമിക്കാറുണ്ട്. ആണ്മയിലിന് പെണ്ണിനേക്കാൾ കഴുത്തിന് വലിപ്പം കൂടുതലാണ്.
പൊതുവെ പറയുന്നതുപോലെ മഴക്കാര്ക്കാണുമ്പോൾ മാത്രമല്ല മയിൽ പീലിവിടർത്താറുള്ളത്. ചിലപ്പോഴൊക്കെ തണലിൽനിന്ന് പീലിവിടർത്തി പെൺ മയിലിനെ ആകര്ഷിപ്പിക്കാൻ ശ്രമിക്കാറുണ്ട്. കോഴികളും മറ്റും ഇതുപോലെ ചെയ്യാറുണ്ട്.കിടക്കുമ്പോൾ നീണ്ടുനിവർന്ന് മാത്രമേ കിടക്കുകയുള്ളൂ. . ഇവർ ഷഡ്പദങ്ങളെയും മറ്റും ഭക്ഷണമാക്കാറുണ്ട്.
ആണ്മയിലിൽനിന്ന് ഭിന്നമായി പൊതുവെ ഭംഗി കുറഞ്ഞതാണ് പെണ്മയിൽ. ആണ്മയിലിന് ഉള്ളതുപോലെ തലയിൽ 'പീലിക്കിരീടം' ഇവയ്ക്കുമുണ്ട്.
ഇവയുട ഇരിപ്പിലുമുണ്ട് ഭിന്നത. ആണ്മയിൽ തല കഴുത്തിനോട് ചേർത്ത് ഒതുക്കിവച്ചതാണ് ഇരിക്കാറുള്ളത്. ഒരു പ്രത്യേക ഭംഗിതന്നെയാണ് അത് കാണാൻ. പെൺമയിലാകട്ടെ, തല ഉയർത്തി ഘാംഭീര്യത്തോടെമാത്രമേ ഇരിക്കാറുള്ളൂ.
പാറക്കലാകട്ടെ, ആണ്മയിൽ സ്വന്തം പീലി പരമാവധി നീട്ടി ഒരു പ്രത്യേക രീതിയിലാണ് പറക്കാറുള്ളത്. രണ്ടുപേരും പറക്കുമ്പോൾ കഴുത്ത് താഴ്ത്തിയിട്ടേ പാറക്കൂ. പുറത്തുനിന്ന് കഴുത്തിലേക്ക് ഒരു മുഴ അപ്പോൾ അവിടെ രൂപപ്പെടും.
പെണ്മയിലിന്റെ കഴുത്തിൽ ആണിന്റേതുപോലെയുള്ള നിറങ്ങൾ കാണാൻ കഴിയും.
സാധാരണ കോഴിമുട്ടയിൽനിന്നും അവയേക്കാൾ വലിയവയാണ് മയിലിന്റെ മുട്ട. ഇതിന് ഒരു പ്രത്യേക മഞ്ഞ കലർന്ന വെള്ള നിറമാണ്ഉള്ളത്. കോഴിയുടെ മുട്ടയേക്കാൾ അൽപ്പംകൂടി ഒരുവശം കൂർത്തിട്ടാണ് ഇവയുടെ മുട്ടാകാണപ്പെടുന്നത്.
പകൽ സമയങ്ങളിൽ ചുറ്റുവട്ടത്ത് കാണുന്ന ഇവയെ രാത്രിയാകുമ്പോൾ എങ്ങും കാണാനാകില്ല.
created by